《十分愛》Ｂｏｂ女Ｊａｎｉｃｅ最怕偷影狂迷

到快餐店食飯或買衫買鞋買眼鏡，都會見到呢個眼大大，成個日本妹咁慨女仔，佢就系而家慨當紅model——Janice文詠珊。

喺model界吃得開，同時亦冧盡網迷慨佢，最近喺Stephy同方力申慨電影《十分愛》作處女演出。以為佢下一步一定系入行做明星?

錯!約Janice影cover，model公司先旨聲明有關娛樂圈慨問題免問，原因系Janice只想專注目前慨model工作。此舉確實令我以為Janice會充滿戒心咁到拍攝場地，實情系Janice全程極之合作，very nice girl，有問必答。佢透露唔想入行，全因有班狂迷成日偷拍，嚇驚佢而唔敢入娛樂圈。

14歲星探睇中

唔靚，後天整容就要搵蕭定一幫手，不過，如果系天生靚女慨話，就唔使咁麻煩，因為機會自然送上門，靚女Janice早喺14歲慨時候，已經被星探睇中，入行做model。

“我”4歲慨時候，有次搭地鐵，有個星探俾咗張卡片我，重話已經喺街度留意咗我好耐。不過當時我咁細個，都冇諗過做model，又唔知柜系咪呃人喎，所以隔咗大半年後，聽多咗朋友意見，知道呢間系間大model agency，先至放心，於是搵媽咪陪我上公司casting，一見就OK，開始做model喇!

影相影到入廠

唔止一見就OK，喺簽約慨當日，model公司重安排Janice去casting霆鋒慨MV，搞到未摸熟門路慨Janice腳震震咁去首次面試。第1日入行就已經有casting機會，唔怪得Janice之後做model慨路咁順暢!

“最開心系可以試到唔同慨look同埋識到好多朋友，但其實做model都好辛苦。最辛苦嗰次系我最近通頂拍《十分愛》，拍完通宵，下晝重要趕入石澳影相，嗰日對眼辛苦到布滿紅筋，不停標眼水，搞到個妝都溶埋。我忍到拍完後，就即刻入養和醫院，醫生話我疲勞過度，又被強光曬親，要唞1個禮拜，所以model工作真系唔系影靚相咁簡單!”

偷影放上網

Janice身材樣貌俱備，做緊model已經擁有fans，甚至有個fans整慨網址，一路以為但接拍《十分愛》後，就會開始做明星，點知Janice對做明星有所保留，原因系班fans太瘋狂，

“入行後最唔開心系冇咗少少自由，喺街見到其他人眼甘甘望住我，或者搵我合照，我都可以體諒，但我最嬲系成日有人偷拍我，然後將啲相放上網任人睇。記得有次搭地鐵重有個女仔揸住部相機不斷咐偷影我，我當時即刻擰轉面諗，做乜嘢呀?我只系個普通人，都會出街食飯啫，唔好咁樣啦!我慨工作系modeling，我唔介意公開工作上慨相，但私底下慨生活，我希望大家可以尊重番我，俾少少私人空間我。(系咪因為呢啲偷拍慨事件，令你對做明星有所顧忌?)都算系，我知道做artist就更加冇得避，一定要承受，我覺得而家冇能力去做，等我準備好先算啦!”

下一站做明星?

“直到而家，我都覺得做model只不過系興趣。”Janice喺訪問期間不斷重復呢句說話，咁但真正想做又系乜?“我知model慨工作唔會長久，而家最緊要努力做嘢儲錢，將來我可能會到外國讀番書，或者有機會向其他方面發展慨。(即系唔排除以後會拍戲?)如果角色啱我，都會試下，我知公司幫我接緊幾部電影，一切都等公司安排啦!況且我都未夠19歲，咁細個，重有好多可能性發生，有任何新機會，我都會嘗試，睇下有乜啱自己。”

訪問期間，知道佢慨興趣原來系影相、唱歌、做戲，以前讀書時亦做過drama，每樣興趣都同娛樂圈息息相關，話自己只系專注想做model慨工作，其實都有好多自相矛盾慨地方。不過正如Janice所講，但而家只得18歲，我哋俾少少空時間佢做好準備，不久將來，實會再見到Janice再喺電影、電視度出現。私生活被偷窺，Janice就話寧愿經常update自己個blog，重話媽咪系忠實fans。